Cardamom Live
Login
ന്യൂനമർദ്ദം കേരള തീരത്തേക്ക്: ഒക്ടോബർ 26 വരെ സംസ്ഥാനത്ത് ശക്തമായ മഴയ്ക്കും കാറ്റിനും സാധ്യത
Back to News
Info 23 Oct 2026, 07:20 AM

ന്യൂനമർദ്ദം കേരള തീരത്തേക്ക്: ഒക്ടോബർ 26 വരെ സംസ്ഥാനത്ത് ശക്തമായ മഴയ്ക്കും കാറ്റിനും സാധ്യത

കേരളം, കന്യാകുമാരി, തമിഴ്‌നാട് മേഖലകൾക്ക് മുകളിലായി രൂപപ്പെട്ട ന്യൂനമർദ്ദം അറബിക്കടലിൽ കേരള തീരത്തേക്ക് നീങ്ങാൻ സാധ്യതയുള്ളതായി കാലാവസ്ഥാ റിപ്പോർട്ടുകൾ വ്യക്തമാക്കുന്നു. ഇതിന്റെ സ്വാധീനഫലമായി ഒക്ടോബർ 26 വരെ സംസ്ഥാനത്തെ എല്ലാ ജില്ലകളിലും മഴയും ഇടിമിന്നലും ശക്തമായ കാറ്റും തുടരാനാണ് സാധ്യത.

പ്രധാനമായും വടക്കൻ കേരളത്തിലെ ജില്ലകളിലാണ് മഴ കൂടുതൽ ശക്തമാകാൻ സാധ്യതയുള്ളത്. തുടർന്നുള്ള ദിവസങ്ങളിൽ സംസ്ഥാനത്തുടനീളം മഴയുടെ തീവ്രത വർധിക്കും.

ഇതിനുപുറമെ, ബംഗാൾ ഉൾക്കടലിൽ രൂപപ്പെടുന്ന മറ്റൊരു ന്യൂനമർദ്ദം ശക്തി പ്രാപിച്ച് ആന്ധ്രാപ്രദേശ്–ഒഡിഷ തീരങ്ങളിലേക്ക് നീങ്ങാനും സാധ്യതയുണ്ട്. ഈ രണ്ട് അന്തരീക്ഷ വ്യതിയാനങ്ങളുടെയും പശ്ചാത്തലത്തിൽ വരും ദിവസങ്ങളിൽ കാറ്റിന്റെ വേഗതയിലും മഴയുടെ വിതരണത്തിലും മാറ്റങ്ങളുണ്ടാകാൻ ഇടയുണ്ട്. തെക്കുപടിഞ്ഞാറൻ അറബിക്കടലിലും തെക്കുകിഴക്കൻ ബംഗാൾ ഉൾക്കടലിലുമായി നിലനിൽക്കുന്ന ന്യൂനമർദ്ദവും (Low-Pressure Area) അന്തരീക്ഷത്തിലെ മേഘച്ചുഴികളുമാണ് കേരളത്തിൽ ഇപ്പോഴുള്ള ശക്തമായ മഴയ്ക്ക് കാരണം. ഇതിനുപുറമെ, തുലാവർഷം (Northeast Monsoon) സജീവമായതും മഴ ശക്തമാകാൻ വഴിവെച്ചു.

കേന്ദ്ര കാലാവസ്ഥാ വകുപ്പിന്റെ പ്രവചനമനുസരിച്ച് ഈ മഴ സാധ്യത ഒക്ടോബർ 26 (തിങ്കളാഴ്ച) വരെ തുടരാനാണ് സാധ്യത. ഒക്ടോബർ 24, 25 തീയതികളിൽ വിവിധ ജില്ലകളിൽ വീണ്ടും കനത്ത മഴയ്ക്ക് സാധ്യതയുണ്ടെന്നും ഒക്ടോബർ 27-ഓടെ മഴയുടെ തീവ്രത കുറയാൻ സാധ്യതയുണ്ടെന്നും കാലാവസ്ഥാ കേന്ദ്രം വ്യക്തമാക്കുന്നു.
Published 2 weeks ago