ഇന്നത്തെ കാലാവസ്ഥ റിപ്പോർട്ട്

വേനൽ മഴ പെയ്യാതെ നിൽക്കുകതന്നെയാണ്.മഴയുടെ കുറവും ഉയർന്ന തോതിലുള്ള ഹ്യുമിമിഡിറ്റിയും ചൂടിന്റെ ആധിക്യത്തെ വർധിപ്പിക്കുന്നു.അടുത്ത ദിവസങ്ങളിലും അത്യുഷ്ണം തുടരും.

സജീവമായ മഴയ്ക്ക് മാസാവസാനം വരെയെങ്കിലും കാത്തിരിക്കേണ്ടി വരും.എന്നാൽ ഈ ദിവസങ്ങളിക്കിടയിൽ അങ്ങിങായി ഒറ്റപെട്ട വേനൽ മഴ ഏതാനും ഇടങ്ങളിലായി ലഭിക്കും.എന്നാൽ ഇത് ചൂടിനെ കുറക്കാൻ പര്യാപ്തമല്ല .

പാലക്കാട്‌ ജില്ലയിൽ ആണ് കേരളത്തിൽ ഏറ്റവും കൂടുതൽ ചൂട് അനുഭവപ്പെടുക. ജില്ലയിൽ ചില പ്രതേശങ്ങളിൽ 41 ഡിഗ്രി വരെ ചൂട് ഉയരും.പാലക്കാട്‌ ജില്ലയോട് ചേർന്ന് കിടക്കുന്ന മലപ്പുറം തൃശൂർ ജില്ലകളുടെ ഭാഗങ്ങളിലും ഉയർന്ന താപം അനുഭവപ്പെടും.

ചൂടിനിടയിൽ ഇന്ന് (വ്യാഴം ) കേരളത്തിൽ ഏതാനും ഇടങ്ങളിൽ മഴ പ്രതീക്ഷിക്കുന്നു.പത്തനംതിട്ട കോട്ടയം കൊല്ലം ആലപ്പുഴ എറണാകുളം പാലക്കാട്‌ മലപ്പുറം കോഴിക്കോട് തൃശൂർ വയനാട് ജില്ലകളിൽ ഇന്ന് വൈകീട്ടോ രാത്രിയിലോ ആയി ഒറ്റപ്പെട്ടയിടങ്ങളിൽ ഇടിയോടു കൂടിയ മഴ ലഭിക്കും.ഈ മഴ ഒറ്റപ്പെട്ട സ്ഥലങ്ങളിൽ മാത്രമേ ലഭ്യമാകൂ.