AIക്കും ഒടുവിൽ കൃഷിയിലേയ്ക്ക് തിരിയേണ്ടി വന്നു! ശാസ്ത്രലോകത്തെ ഞെട്ടിച്ച പരീക്ഷണം

ലോകമെമ്പാടും Artificial Intelligence വൻ ചർച്ചയായിരിക്കുമ്പോൾ, ശാസ്ത്രജ്ഞർ നടത്തിയ ഒരു വെർച്വൽ പരീക്ഷണം ഇപ്പോൾ കാർഷിക ലോകത്തും വൈറലായി മാറിയിരിക്കുകയാണ്.

ഗവേഷകർ നിർമ്മിച്ച ഒരു ഡിജിറ്റൽ ലോകത്തിൽ AI ഏജന്റുകളെ സ്വതന്ത്രമായി പ്രവർത്തിക്കാൻ അനുവദിച്ചപ്പോൾ, ആദ്യം അവ “വേട്ടയാടി ജീവിക്കുന്ന” രീതിയിലായിരുന്നു. പക്ഷേ കുറച്ച് സമയത്തിനുള്ളിൽ, കൂടുതൽ സ്ഥിരതയുള്ള ഭക്ഷണസ്രോതസ്സ് വേണ്ടിവന്നപ്പോൾ AI സ്വയം കൃഷിരീതിയിലേക്ക് മാറുകയായിരുന്നു.

അവ മണ്ണ്, ഭക്ഷ്യസംഭരണം, ഉത്പാദനം എന്നിവ മനസ്സിലാക്കി “കൃഷി” ഏറ്റവും നല്ല മാർഗമാണെന്ന് കണ്ടെത്തിയതാണെന്നാണ് റിപ്പോർട്ടുകൾ പറയുന്നത്.

ഈ പരീക്ഷണം മനുഷ്യരുടെ പുരാതന ചരിത്രത്തോടുള്ള സാമ്യം കൊണ്ടാണ് കൂടുതൽ ശ്രദ്ധ നേടിയത്. മനുഷ്യരും ആദ്യം വേട്ടയാടിയും ശേഖരിച്ചും ജീവിച്ചശേഷമാണ് കൃഷിയിലേക്ക് മാറിയത്.

“AI പോലും ഒടുവിൽ കർഷകനാകുന്നു” എന്ന തലക്കെട്ടിലാണ് സോഷ്യൽ മീഡിയയിൽ പലരും ഇത് പങ്കുവെച്ചത്. ഭാവിയിൽ AI കാർഷിക മേഖലയെ എത്രമാത്രം മാറ്റിമറിക്കും എന്ന ചർച്ചകളും ഇതോടെ ശക്തമായി