ജൂൺ മാസത്തെ ഏലം കൃഷി പരിചരണം: കുമ്മായപ്രയോഗവും രോഗപ്രതിരോധവും – part 1

കാലവർഷം ആരംഭിക്കുന്ന ജൂൺ മാസം ഏലം കൃഷിയിൽ അതീവ ശ്രദ്ധ വേണ്ട സമയമാണ്. മികച്ച വിളവിനും ചെടികളുടെ ആരോഗ്യത്തിനുമായി കർഷകർ ഈ സമയത്ത് അടിയന്തരമായി ചെയ്യേണ്ട പ്രധാന പരിചരണ രീതികൾ താഴെ പറയുന്നവയാണ്:

• കുമ്മായപ്രയോഗം: 2 കിലോഗ്രാം നീറ്റുകക്ക, 200 ഗ്രാം തിയോഗ്രീൻ (THIOGREEN) അല്ലെങ്കിൽ തിയോസൾഫ് (THIOSULF), 50-100 ഗ്രാം റിലീസ് ചിലേറ്റഡ് കോപ്പർ (RELEASE CHELATED COPPER) എന്നിവ 200 ലിറ്റർ വെള്ളത്തിൽ കലക്കി നൽകുക. ഒരു ചെടിക്ക് അകത്ത് 4 ലിറ്ററും വേരുപടലത്തിൽ 6 ലിറ്ററും എന്ന തോതിൽ ഒഴിച്ചു കൊടുക്കാവുന്നതാണ്.

• ബോർഡോമിശ്രിതം തളിക്കൽ: കാലവർഷ ആരംഭഘട്ടത്തിൽ തന്നെ ബോർഡോ മിശ്രിതം തളിക്കേണ്ടത് അത്യാവശ്യമാണ്. ബോർഡോമിശ്രിതം നൽകുമ്പോൾ ചെടികളിൽ സാധാരണയായി അനുഭവപ്പെടുന്ന മുരടിപ്പ് (അറസ്റ്റ്) മാറ്റിയെടുക്കുന്നതിനായി 200 ലിറ്റർ വെള്ളത്തിൽ 100 ഗ്രാം റിലീസ് ഇഡിടിഎ സിങ്ക് (RELEASE EDTA ZINC) കൂടി ബോർഡോമിശ്രിതത്തിനൊപ്പം ചേർത്ത് നൽകാവുന്നതാണ്.

• അഴുകൽ രോഗത്തിനുള്ള മുൻകരുതൽ: മഴക്കാലത്ത് ഏലച്ചെടികളെ ബാധിക്കുന്ന പ്രധാന പ്രശ്നമാണ് അഴുകൽ രോഗം. ഇതിനെ പ്രതിരോധിക്കാൻ 200 മില്ലി മെയിൽകോൺ സൂപ്പർ (MAILCON SUPER), 400 മില്ലി സഞ്ചാർ 40 (SANCHAR 40), 300-400 ഗ്രാം സി.ഒ.സി (COC) എന്നിവ 200 ലിറ്റർ വെള്ളത്തിൽ കലക്കി ഉപയോഗിക്കുക. ഇത് ചെടിക്ക് അകത്ത് 4 ലിറ്ററും പുറത്ത് 6 ലിറ്ററും എന്ന തോതിൽ നൽകാം.