കൃഷിനാശം: നഷ്ടപരിഹാരം ഇനി വേഗത്തിൽ; കർഷകർക്കായി പുതിയ ഹെൽപ്പ് ലൈനും നിരീക്ഷണ കേന്ദ്രവും

കാലാവസ്ഥാ വ്യതിയാനങ്ങളും പ്രകൃതിക്ഷോഭങ്ങളും മൂലം കൃഷിനാശം നേരിടുന്ന കർഷകർക്ക് ആശ്വാസമായി കൃഷിവകുപ്പിന്റെ പുതിയ തീരുമാനം. കർഷകരുടെ പരാതികൾക്കും നഷ്ടപരിഹാര അപേക്ഷകൾക്കും അതിവേഗം പരിഹാരം കാണുന്നതിനായി പുതിയ ഹെൽപ്പ് ലൈൻ സംവിധാനവും സംസ്ഥാനതല നിരീക്ഷണ കേന്ദ്രവും പ്രവർത്തനസജ്ജമായി. പ്രകൃതിക്ഷോഭം, രോഗ-കീടബാധ, വന്യജീവി ആക്രമണം എന്നിവ മൂലം പ്രതിസന്ധിയിലാകുന്ന കർഷകർക്ക് കാലതാമസമില്ലാതെ അർഹമായ നഷ്ടപരിഹാരം ഉറപ്പാക്കാൻ ഈ സംവിധാനം വഴി സാധിക്കും.

പുതിയ സംവിധാനത്തിന്റെ പ്രധാന സവിശേഷതകൾ

• എയിംസ് (AIMS) പോർട്ടൽ വഴി നിരീക്ഷണം: കൃഷിനാശവുമായി ബന്ധപ്പെട്ട അപേക്ഷകളും നഷ്ടപരിഹാര നടപടികളുടെ പുരോഗതിയും കർഷകർക്ക് ഇനി പോർട്ടൽ വഴി തത്സമയം അറിയാൻ സാധിക്കും.
• 24 മണിക്കൂറിനുള്ളിൽ നടപടി: പ്രകൃതിക്ഷോഭം മൂലമുള്ള കൃഷിനാശം സംഭവിച്ചാൽ 24 മണിക്കൂറിനുള്ളിൽ കൃഷിഭവൻ ഉദ്യോഗസ്ഥർ സ്ഥലത്തെത്തി പ്രാഥമിക റിപ്പോർട്ട് (FIR) തയ്യാറാക്കി പോർട്ടലിൽ അപ്‌ലോഡ് ചെയ്യും.
• സമയബന്ധിതമായ അപേക്ഷ: സംസ്ഥാന വിള ഇൻഷുറൻസ് പദ്ധതി ആനുകൂല്യങ്ങൾക്കായി 15 ദിവസത്തിനുള്ളിലും, പ്രകൃതിക്ഷോഭ നഷ്ടപരിഹാര പദ്ധതിക്കായി 10 ദിവസത്തിനുള്ളിലും അപേക്ഷിക്കാവുന്നതാണ്.
• സംസ്ഥാനതല നിരീക്ഷണം: കൃഷിനാശ റിപ്പോർട്ടുകളും നഷ്ടപരിഹാര വിതരണവും ഇനി സംസ്ഥാന തലത്തിൽ നിന്നും നേരിട്ട് വിലയിരുത്തും.

ജില്ലാ കൺട്രോൾ റൂം നമ്പറുകൾ

കൂടുതൽ വിവരങ്ങൾക്കും സഹായങ്ങൾക്കുമായി കർഷകർക്ക് താഴെ നൽകിയിരിക്കുന്ന ജില്ലാ കൺട്രോൾ റൂം നമ്പറുകളിൽ ബന്ധപ്പെടാവുന്നതാണ്:
ജില്ല കൺട്രോൾ റൂം നമ്പറുകൾ

തിരുവനന്തപുരം 9383470086, 9383470700
കൊല്ലം 9383470318, 9383470770
പത്തനംതിട്ട 9383470499, 9383470900
ആലപ്പുഴ 9383470561, 9383471108
കോട്ടയം 9383470704, 9383471300
ഇടുക്കി 9383470821, 9383471400
എറണാകുളം 9383471150, 9383471500
തൃശ്ശൂർ 9383473242, 9383471600
പാലക്കാട് 9383471457, 9383471700
മലപ്പുറം 9383471618, 9383471800
കോഴിക്കോട് 9383471779, 9383471900
വയനാട് 9383471912, 9383472442
കണ്ണൂർ 9383472028, 9383472300
കാസർഗോഡ് 9383471961, 9383472400