ഡോൾഫിൻ ചുഴലിക്കാറ്റിൻ്റെ സ്വാധീനം: കേരളത്തിൽ വീണ്ടും മഴ ശക്തമാകുന്നു | Impact of Cyclone Dolphin: Rains intensify again in Kerala

പസഫിക് സമുദ്രത്തിലെ ഡോൾഫിൻ ചുഴലിക്കാറ്റിൻ്റെ (Typhoon Dolphin) സ്വാധീനഫലമായി കേരളത്തിൽ വീണ്ടും മഴ ശക്തമാകുന്നു. വ്യാഴാഴ്ച (ഓഗസ്റ്റ് 6, 2026) രാവിലെ മുതൽ വിവിധ ജില്ലകളിൽ നേരിയ തോതിൽ മഴ ആരംഭിച്ചിട്ടുണ്ട്.

ഉച്ചയ്ക്ക് ശേഷം മഴ കൂടുതൽ ശക്തമാകുമെന്നാണ് റിപ്പോർട്ടുകൾ സൂചിപ്പിക്കുന്നത്. എറണാകുളം, ഇടുക്കി, കോട്ടയം, പത്തനംതിട്ട ജില്ലകളിലും തൃശൂരിന്റെ തെക്കൻ ഭാഗങ്ങളിലും അതിശക്തമായ മഴ ലഭിക്കാൻ സാധ്യതയുണ്ട്. കൂടാതെ, മലപ്പുറം, കൊല്ലം, കോഴിക്കോട്, പാലക്കാട് ജില്ലകളുടെ ചില ഭാഗങ്ങളിലും കനത്ത മഴ പ്രതീക്ഷിക്കുന്നു.

അറബിക്കടലിൽ രൂപപ്പെട്ടിട്ടുള്ള മേഘങ്ങൾ കാരണം കേരളത്തിലെ പല ജില്ലകളിലും ഇതിനകം തന്നെ മഴ ലഭിക്കുന്നുണ്ട്. ഡോൾഫിൻ ചുഴലിക്കാറ്റ് ഞായറാഴ്ച രാത്രിയോടെ ചൈനയിൽ കരകയറുമെന്നാണ് കരുതുന്നത്. ശനിയാഴ്ച രാവിലെ വരെ കേരളത്തിൽ ഇതിൻ്റെ സ്വാധീനം നിലനിൽക്കും. അതിനുശേഷം മഴയുടെ ശക്തി കുറയാൻ സാധ്യതയുണ്ട്.